Şöbə müdiri

Firudin Həsən oğlu Rzayev

Mob. tel. : (+994 50) 464 80 98

E- poçt : firudinrzayev@gmail.com

     3 əməkdaşın fəaliyyət göstərdiyi Onomastika şöbəsində Naxçıvan ərazisindəki onomastik vahidlər toplanılıb tədqiqata cəlb edilmiş, onların elmi linqvistik xüsusiyyətləri təhlil olunmuşdur. Şöbənin əməkdaşları tərəfindən indiyədək 11 monoqrafiya, 1 kitab, həmmüəlliflik əsasında yazılan 6 ensiklopediya və 440-a yaxın elmi məqalə nəşr edilib. Şöbənin elmi nəticələri “Qədim Şərur oykonimlərinin mənşəyi” və “Naxçıvan əhalisinin etnogenezi tarixindən” (I cild) adlı monoqrafiyalarda əksini tapmışdır. 2017-2019-cu illərdə bu istiqamətdə tədqiqatlar genişləndirilməklə yenə “Naxçıvan əhalisinin etnogenezi tarixindən” (II cild) və “Naxçıvan makrotoponimlərinin linqvistik xüsusiyyətləri” adlı əlavə iki monoqrafiya nəşr edilmişdir. Burada Naxçıvan ərazisindəki onomastik vahidlər geniş tədqiq edilməklə yeni elmi faktlar üzə çıxarılmışdır. 2023-cü ildə “Qədim Naxçıvan – Naxər ölkəsi türklərinin mifoloji inancları və bu miflərin yayım arealı” (I cild) və 2024-cü ildə II cildi işıq üzü görüb. Bununla bağlı məqalələr xarici dillərə tərcümə olunmaqla müxtəlif ölkələrin elmi jurnallarında dərc edilmiş, ərazinin türklərə məxsusluğu faktlarla sübut edilmişdir. Bu tədqiqatlar zamanı başqa xalqlara aid edilmiş Hürrü, Kuti, Kəngər, Maq, Sak, Doray və s. tayfaların türk tayfaları olması, onların tarix səhnəsindəki yerləri, yayıldıqları ərazilər tarixi faktlarla təsdiq olunmuşdur.