Tədbirlər

- AMEA Naxçıvan Bölməsinin əməkdaşı, Azərbaycan Yazıçılar Birliyinin üzvü, şair-publisist Qafar Qəribin 50 illik yubileyi qeyd olunub
- AMEA Naxçıvan Bölməsində təcrübəçi tələbələrlə görüş keçirilib
- AMEA Naxçıvan Bölməsi Rəyasət Heyətinin növbəti iclası keçirilib
- AMEA Naxçıvan Bölməsində elmi seminar keçirilib
- AMEA Naxçıvan Bölməsi Dil, İncəsənət və Ədəbiyyat İnstitutunun Elmi Şurasının növbəti iclası keçirilib
- AMEA Naxçıvan Bölməsinin “Tusi” nəşriyyatında yeni alınmış avadanlıqların təqdimat mərasimi keçirilib
- AMEA Naxçıvan Bölməsi Rəyasət Heyətinin iclası keçirilib
- AMEA Naxçıvan Bölməsində Tarix, Etnoqrafiya və Arxeologiya İnstitutunun Elmi Şurasının iclası keçirilib
- AMEA-nın Naxçıvan Bölməsi 2025-ci il üzrə yekun hesabatını təqdim edib
- 12 Dekabr – Ümummilli Lider Heydər Əliyevin Anım Günü münasibətilə AMEA Naxçıvan Bölməsinin kollektivi Ulu Öndərin xatirəsini ehtiramla yad edib.

12.06.2026 16:40

AMEA Naxçıvan Bölməsinin Rəyasət Heyətinin növbəti iclası keçirilib

İclası giriş sözü ilə açan AMEA Naxçıvan Bölməsinin sədri, akademik İsmayıl Hacıyev gündəlikdə duran məsələlər barədə məlumat verib.

Əvvəlcə İsmayıl Hacıyev AMEA Naxçıvan Bölməsi İncəsənət, Dil və Ədəbiyyat İnstitutunun Onomastika şöbəsinin müdiri Firudin Rzayevi filologiya elmləri doktoru elmi dərəcəsi alması münasibətilə təbrik edib, ona fəaliyyətində uğurlar arzulayıb.

Bölmənin sədr müavini, filologiya üzrə fəlsəfə doktoru Rəşad Zülfüqarov AMEA Naxçıvan Bölməsində “Əcəmi Naxçıvani: Naxçıvan memarlıq məktəbi və ənənələri” mövzusunda keçiriləcək respublika elmi konfransına hazırlığın vəziyyəti barədə məlumat verib. Qeyd edilib ki, AMEA Naxçıvan Bölməsinin təşkilatçılığı ilə 26-28 iyunda keçiriləcək konfransa hazırlıq işləri yekunlaşmaq üzrədir. Təqdim edilən məqalələr Elmi heyət tərəfindən dəyərləndirilərək seçilib.

İclasda Akademik İsmayıl Hacıyev AMEA Naxçıvan Bölməsində əmək intizamına nəzarət və əməl edilməsi haqqında, Bölmədə 2026-cı ildə aparılan arxeoloji ekspedisiyalar və çöl tədqiqatları barədə danışıb.

AMEA Naxçıvan Bölməsi Həmkarlar Təşkilatının sədri Gözəl Qənbərova Bölmənin Həmkarlar Təşkilatının 2026-cı ilin birinci yarısındakı fəaliyyəti haqqında məlumat verərək qeyd edib ki, Təşkilat fəaliyyətini günün tələbləri səviyyəsində qurur, işçilərin sosial-iqtisadi hüquqlarının qorunması, əmək şəraitinin yaxşılaşdırılması sahəsində tədbirlər həyata keçirir.

Sonra akademik İsmayıl Hacıyev Rəşad Zülfüqarovu bölmənin sədr müavini təyin olunması münasibətilə təbrik edib, onu kollektivə təqdim edib.

Sonda Rəyasət heyəti 2026-cı il üçün doktoranturaya sənəd qəbulunun yekunları barədə çıxışı dinləyib, kadr məsələləri ilə bağlı məlumatları nəzərdən keçirib və cari məsələlərin müzakirəsindən sonra iclasa yekun vurulub.